Legazpi City- Nilinaw ng Albay Power Energy Corp (APEC) na walang bayad ang pagpapalit ng mga metros ng kanilang consumers sa lalawigan ng Albay.
Kaugnay ito ng sinasagawa ng APEC na malawakang pagpapalit ng mga luma at depektibong metro sa buong lalawigan na ang layunin ay maging accurate ang reading ng konsumo ng bawat metro.
Sa pamamagitan umano ng hakbang na ito ay maitatalaga at mababasa ng tama ang kuryente ng bawat consumer.
Samantalang, mahigpit na nagpaalala ang APEC na huwag magbayad sa sinumang nagpapalit ng metro, sa halip pag unawa at suporta ang hiling nito.
