Gipahinumdoman sa Lokal nga Paggamhanan sa Sto. Tomas ang tanang mga Barangay Captain sailang lugar nga lakip gihapon sa proseso ang pagpahigayon og postmortem swab sa COVID-19 protocol sa mga gituohang namatay sa Covid-19.
Kini human adunay gikatahong misupak ang mga kapitan sa maong protocol nga gipatuman sa National Inter-Agency Task Force (NIATF).
Gitino sa LGU Sto. Tomas nga subay sailang nadawat nga impormasyon, bisan wala matud pa miagi ang patay’ng lawas sa postmortem swab test, hatagan gihapon kini og sertipiskasyon sa Kapitan nga adunay nakabutang nga negatibo kini sa Covid-19.
Tungod niini, giklaro sa LGU Sto. Tomas nga bugtong ang doktor lang ang adunay katungod nga muhatag og sertipikasyon samtang usa matud pa kini ka timailhan nga nga gitikas kini sa mga Brgy. Kapitan og supak kini sa balaod. BNFM-DAVAO
