NAGPAGAWAS og kamandoan ang Regional Director sa Land Transportation Office kon LTO kalabot sa implementasyon sa balaud trapiko ug uban pang regulasyon sa kadalanan Enero 19, 2022 unya ipatuman pagka Enero 27, 2022.
Subay sa kamandoan, 11 ka mga enforcers ang gitahasan sa pagpatuman sa memorandum sa Regional Director nga si Macario Gonzaga, apan kinahanglan nga magpahibalo sa kapulisan, kasundalohan ug local government units.
Ang mga balaud nga ipatuman mao ang Traffic Code of The Philippines kon RA 4136, Anti Distracted Driving Act, Anti Drunk and Drugs Driving Act ug ang Children Safety Act sa Area of Responsibility sa General Santos City.
Gimandoan usab ang mga enforcers nga i- submit sa buhatan sa LTO Gensan ang mga kopya sa na-isyu nga Temporary Operators Permit, lakip ang mga nakumpiska nga Drivers Licenses ug ang ma-impound nga mga sakyanan. I Ver Diazon
