General Santos City – GIPAHUGTAN sa kapulisan ang checkpoint area sa Barangay Tinagacan kung asa gaagi ang daghan nga sakyanan nga posibleng magdala og karneng baboy, gikan sa Sarangani ug uban pang kasikbit nga Probinsya, kini human nga nakasulod na sa syudad ang African Swine Fever kun ASF.
Sa bahin ni Kapitan Jeoffrey Salanio, gisusi niini ang tanang tangkalan sa lugar ug gipahimangnoan ang mga residente nga magbantay sa posibleng pagtakod sa maong sakit ngadto sa ilang mga binuhing baboy. Samtang ang mga otoridad nga nadestino sa lugar sa pagpanguna ni PMajor Joseph Galleto station commander sa Tinagacan Police station, hugot usab nga nagbantay sa seguridad lakip ang estriktong pagpasulod sa mga baboy ug pork products sa syudad.
