General Santos City – GISAYSAY ni alyas Franco ang tinood nga nahitabo luyo sa pagpasangil kaniya nga sa pinalit niini nga baboy nagsugod ang ASF sa Purok San Lorenzo, Ruiz, Barangay Apopong.
Enero 21 aduna matud pay nagreport sa City Veterinary Office nga ang tangkalan sa baboy ni Franco adunay ASF.
Nianang higayona pagawas na kini sa Purok San Lorenzo aron e-deliver ang iyang ibaligya nga baboy apan pag-abot niini sa Crossing didto na siya giharang ug gidakop sa taga City Veterinary, gipabalik ang dala niyang baboy ug pugsanon siyang gipaangkon sa tangkalan kong asa matud pa nagikan ang ASF.
Giangkon sa nasangpit nga wala siyay tangkalan ug igo lang siya naga-ahente og baboy.
Usa usab sa rason nga nihawa siya sa Purok San Lorenzo, tungod naglikay siya sa mga tawo nga adunay kasuko kaniya. Apan matud ni Franco wala siya nagapangompra og mga baboy gikan sa ubang lugar gawas lamang dinhi sa Gensan. Gusto niini nga mahinlo ang iyang pangalan sa pandungog sa mga tawo nga siya ang gipasanginlan sa pagsulod sa sakit dinhi sa syudad.
