Narekober sa militar ang nadugta nga patayng lawas sa usa ka rebelde Purok 6, Barangay Panoraon, Maco, Davao de Oro alas una kagahapon sa hapon.
Sa report, usa ka nagpakabanang lungsuranon ang misumbong kalabot sa dili maayong baho hinungdan nga gisubay sa mga sakop sa 1001st Infantry Brigade.
Napalgan ang nadugta nga lawas sa rebelde nga dunay dalang dalang M16 rifle, bandolier, backpack nga may CPP/NPA documents ug ubang kagamitan.
Sumala kang Brigadier General Jesus Durante III, gibiyaan sa iyang mga kaubanan ang patayng lawas ug kung misurender lamang ang maong rebelde kaniadto posibleng buhi pa kini sama sa nahitabo kang Daniel Dellosa Alyas Axel nga naluwas sa mga sundalo human nasamdan atol sa gyera.
Tungod niini subling nanawagan ang labaw sa 1001st Infantry Brigade nga mosurender na sanglit daghang benipisyo ang makuha pinaagi sa Enhanced Comprehensive Local Integration Program (ECLIP), ug dili na hulaton nga mahitabo pa kanila ang gidangatan sa napalgang nadugta nga lawas sa rebelde.BNFM-DAVAO
