Inalis na ng gobyerno ang mandatory facility-based quarantine requirement para sa international travelers at returning overseas Filipinos (ROFs) na fully vaccinated na kontra COVID-19.
Inihayag ito ng Palasyo matapos suspendihin ng gobyerno ang “green,” “yellow,” at “red” COVId-19 risk classifications para sa mga bansa, teritoryo at jurisdictions.
Sinabi ni acting presidential spokesperson Karlo Nograles na kailangan na lamang ng international travelers at ROFs na magpresenta ng negatibong RT-PCR test na kinuha 48 oras bago ang kanilang departure mula sa country of origin.
Dapat rin silang mag-self monitor sa loob ng pitong araw mula sa petsa ng arrival.
Dagdag ni Nograles, required din sila na mag-report sa local government unit ng kanilang destinasyon oras na makaranas sila ng kahit anong sintomas.
Inaasahan naman na magiging epektibo ang bagong polisiya sa February 1, 2022.
