Mandatu karon sa tanang medical healthcare frontliners ug vaccinators nga magsuot ug face shields isip dugang protection batok coronavirus.
Gikanayon ni Davao City Covid-19 Task Force Spokesperson Dr. Michelle Schlosser nga daghang duot sa katawhan ang vaccination hubs hinungdan nga kinahanglan ang dugang proteksyon.
Dugang pa ni Schlosser nga pabilin lamang gihapon nga optional ang pagsuot ug faceshield sa general public.
Posible usab nga subling abrihan ang People’s Park sa higayon nga matapos na ang decontamination.
Gipahinumdoman usab ni Schlosser ang publiko nga pabiling mutamod sa Minimum Public Health Standards (MPHS), paggamit ug alcohol o alcohol-based hand rub, paghugas sa kamot gamit ang sabon ug tubig, pagsuot ug face mask, ug physical distancing.
