Nagpahimangno ang Probinsiya sa Davao Occidental sa publiko nga kinahanglang mutamod sa mga sumbanan na ilang gipatuman kalabot sa ‘No Vaccine, No Entry’ policy aron dili makasinati og aberya.
Subay sa Executive Order No 001 Series of 2022, nakalatid niini nga tugutan ang tanang interregional movement apan kinahanglan nga magpakita ang mga byahero og vaccination card nga fully vaccinated.
Gawas niini, kinahangklan sab ang ubang dokumento sama sa negative RT-PCR test result nga nakuha sulod sa 72 hours ayha ang pagbyahe, valid ID, Stay safe QR Code, Travel Manifesto, ug letter of acceptance alang sa mga locally stranded individuals ug returning overseas Filipinos.
Samtang, alang sa mga turista kinahanglan og booking confirmation, travel itinerary, travel order ug confirmation letter of activity.
Una ng gibutyag sa Provincial Government sa Davao Occidental nga ang maong lakang aron mas mapahugtan pa ang ilang seguridad batok virus.
Kahinumdoman nga nakatala ang maong probinsiya og duha ka kaso sa Omicron variant nga wala matud pay travel history sa ubang nasud.
