Nagpa blotter sa Kalibo PNP ro sangka security guard matapos segun nga maduea ro anang service firearm nga 9mm.
Ginkilaea ro sekyu nga si Noriel Dela Cruz 32yo it Brgy. Arcanghel Sur, Balete, Aklan ag naka duty sa sangka dry goods store sa may Roxas Avenue Kalibo.
Nasayuran nga sa idaeum it impluwensya it aeak ro sekyu kat magpa blotter raya sa Kalibo PNP.
Sa report, samtang sa duty hay sinampit segun si Dela Cruz sa boardinghouse it anang kaparehu nga sekyu nga mag-inuman.
Matapos segun nga mag inuman hay igto napan uhan nga naduea eon ro anang service firearm sa sueod it anang bag. / ANN DESLENE SALAZAR
