Ro pagpabakuna kuntra sa COVID-19 hay bukon it sambilog ka requirement para makaboto sa Mayo 9, 2022 national ag local elections, raya hay base sa pahayag ni Atty. Wilfred Jay Balisado, direktor it Commission on Elections (Comelec) Western Visayas.
Base sa ana, indi pwede nga magpataw it dugang nga kwalipikasyon ro Comelec nga ‘no vaccine, no vote’ policy.
Sa datos it teatapan, ro Region 6 hay may 5,026,482 ka mga rehistradong botante.
Ro breakdown it nasambitan nga numero it mga rehistradong botante sa rehiyon hay mga masunod:
* Aklan – 409,938
* Antique – 387,998
* Capiz – 529,079
* Guimaras – 124,076
* Iloilo – 1,628,752
* Iloilo City – 330,470
* Negros Occidental – 1,946,639
* Siyudad it Bacolod – 327,403./JIL B. LACSON
