Inanunsyo ni Commission on Higher Education (CHED) chairperson Prospero De Vera III na nagpositibo siya sa COVID-19.
Sa Laging Handa public briefing ay sinabi ni De Vera na infected ng virus ang buong pamilya niya, at kasalukuyan na siyang naka-quarantine sa kanilang bahay.
Ayon kay De Vera, nakararanas siya ngayon ng mild symptoms.
Ibinahagi rin niya na natanggap na niya ang kaniyang booster shot laban sa COVID-19 noong January 3.
Inihayag naman ng opisyal sa isang Facebook post na inabisuhan na niya ang mga nakasalamuha niya na mag self-quarantine, mag-monitor ng mga sintomas, at magpa-test.
