Ibinasura ng Commission on Elections ang aplikasyon ng Malasakit Movement para maging accredited na party-list group dahil sa kakulangan sa merito.
Sinabi ni Comelec spokesperson James Jimenez na wala sa Malasakit Movement na makumpleto ang requirements para maging sectoral party-list organization.
Ipinunto ni Jimenez na hindi napatunayan ng grupo na nirerepresenta nila ang marginalized at underrepresented sector.
Mababatid na ang first nominee ng Malasakit Movement ay si dating Metro Manila Development Authority spokesperson Celine Pialago.
Una nang sinabi ng Malasakit Movement na gagamitin nito ang lahat ng legal na paraan para makasali pa rin sila sa halalan sa 2022.
