Iginiit ni Surigao del Norte First District Representative Francisco Jose Matugas II na “totally damaged” na ang Siargao Airport dahil sa pananalasa ng Bagyong Odette.
Sinabi ni Matugas na base sa impormasyon na nagmula sa officer-in-charge ng paliparan na si Richard Alas, ay katakot-takot ang naging epekto ng nasabing weather disturbansa sa Siargao, na isang sikat na tourist destination.
Ipinunto naman ng mambabatas na cleared na ang runway ng paliparan mula sa mga debris.
Dahil diyan ay maari na aniya magtungo ang mga eroplano at choppers doon para maghatid ng relief goods.
