Nakikipag-negosasyon na ang pribadong sektor sa pharmaceutical giant ng AstraZeneca para sa procurement ng panibagong set ng COVID-19 vaccine doses.
Sa isang pahayag, ay sinabi ni Presidential Adviser for Entrepreneurship Joey Concepcion na nag-organisa ang Go Negosyo ng meeting sa pagitan ng mahigit 350 kompanya at ng mga opisyal ng AstraZeneca.
Ipinunto niya na ginawa ito sa December 9 matapos makakuha ng pribadong sektor ng permiso mula sa Inter-Agency Task Force for the Management of Emerging Infectious Diseases (IATF) para bumili ng AstraZeneca doses.
Inaasahan na gagawin ang procurement ng panibagong suplay ng mga bakuna sa susunod na taon.
