Giawhag sa kanhing high ranking leader sa rebeldeng New People’s Army (NPA) sa Davaop Region ang katawhan nga dili botohon ang mga party-list groups ubos sa Makabayan bloc.
Kini ang gihingusgan ni Ariane Jane Ramos, alias Marikit, kanhing secretary sza NPA Guerrilla Front (GF) 55, Sub-Regional Committee 5 (SRC)-Southern Mindanao Regional Command (SMRC), nga nalingla sa walhong grupo kaniadto apan nakaamgo og nibalik sa sabakan sa balaud.
Matud ni Ramos, angay dili hatagan og tsansa ang mga party-list sama sa Bayan-Muna, Gabriela, Kabataan Party-list ug uban pa ubos sa Makabayan Bloc busa positibo siya nga dili modaog dinhi sa Southern Mindanao.
Kampante usab kini nga pinaagi sa paningkamot sa National Task Force to End Local Communist Armed Conflict (NTF-ELCAC) matanggalan og maskara ang maong mga grupo nga maoy legal fronts ug nagasupurta sa Communist Party of the Philippines-NPA-National Democratic Front (CPP-NPA-NDF).
Personal usab matud pa siya nga mokampanya batok sa Makabayan bloc ug iyagyag ang mga hiwing binuhatan nga iyang nasaksihan samtang siya ang anaa pa sa impluwensya kaniadto sa walhong pondok. BNFM-DAVAO
