Nag-angkon it gasgas sa andang kaeawasan ro driver it motorsiklo ag backrider kara matapos sanda nga matumba sa madueom ag pakurbadang karsada sa may diversion road sa Brgy. Tigayon, Kalibo.
Ginkilaea ro mga sakay it motorsiklo nga si Ruben Alegria 23yo ag imaw ro driver ag ro 11 anyos kara nga menor-de-edad nga backrider ag puro mga residente it Pook, Kalibo.
Nasayuran nga halin ro mga raya sa Brgy. Mina, Lezo ag paagto eon it Kalibo kat matabo ro aksidente. / ANN DESLENE SALAZAR
