NABALAKA ang social worker sa pagdaghan sa mga bata nga ‘at risk’ sa online sexual abuse and exploitation tunga sa Covid-19 pandemic. Asa ang mismong pamilya sa bata ang maoy nagtuboy sa anak tungod kalisod sa pangabuhi samtang ang mga bata bawal mogawas sa balay.
Matud ni Jocelyn Arzaga, City Social Welfare and Development Office (CSWDO) division children sector dunay mga taho nga naabot. Kalabut sa maong mga aktibidad sa mga dagkong barangay sa GenSan sama sa Lagao, Labangal ug Calumpang.
Nagtuo kini nga dili lang ‘health crisis’ ang pandemya usa usab kini ka child rights crisis nga kinahanglang gilayong matubag. Nakalabay’ng mga semana, pipila ka bata ang naluwas gikan sa mismong kabanay. Dungan sa operasyon sa Homeland Security Investigations, the nongovernmental organization International Justice Mission’s (IJM) Center to End Online Sexual Exploitation of Children coordinated.
Kauban ang otoridad sa Pilipinas aron matud pa i-rescue ang mga bata nga naa na karon sa shelter sa GenSan. Sa bag-ong datus nga gipagula sa 2021 Global Threat Assessment report sa WeProtect Global Alliance. Ang Pilipinas naila sa United Nations Children’s Fund isip “global epicenter sa livestream sexual abuse trade. Asa nakarekord sila og naa sa 265% increase sa online child sexual abuse gikan Marso-Mayo atong 2020. ( Richel Gubalani)
