Hingpit na ang gihimong pagpangandam sa nagkadaiyang local governments units sa Cebu alang sa himuong three-day national vaccination drive nga sugdan sa Lunes, Nobyembre 29 hangtud sa Disyembre 1.
Ang syudad sa Lapu-lapu og Naga, mitanyag sa ilang mga residente og nagkadaiyang mga premyo aron daghan ang ma-agni nga magpabakuna.
Samtang ang syudad sa Sugbo, mosugod usab sa paghatag sa Covid-19 booster shots sa mga health care workers atol sa unang adlaw sa nationwide vaccination drive.
Nasayran nga atol sa maong pagpamakuna, ang Visayas Vaccination Operations Center, mi-target ug 1.3 million ka mga tawo sa Central Visayas nga mabakunahan atol sa tulo ka adlaw nga vaccination drive diin target nilang makahatag ug bakuna sa 442,826 ka mga tawo matag adlaw.
Giingong anaa sa 2,952 vaccination teams sa 984 ka vaccination sites ang ipakatap sa tibuok rehiyon.
