KORONADAL CITY- NANANATILING ligtas sa African Swine Fever (ASF) ang lalawigan ng South Cotabato.
Ngunit ayon kay Provincial Veterinary Officer Dr. Flora Bigot na malaking banta ngayon sa lalawigan ang ASF outbreak sa mga karatig-lugar partikular sa mga bayan ng M’lang, Tulunan at Matalam sa Cotabato province.
Mga ipinuslit na mga processed pork products katulad ng choriso, tocino at chicharon mula sa mga ASF infected areas ang tinitingnang rason ng pagkalat ng ASF sa naturang mga lugar.
Kaugnay nito, nananawagan si Bigot sa mga mamamayan na huwag magpapasok ng mga processed pork products na posibleng mahalo sa mga kaning-baboy.
Umapela din ito sa publiko na agad na i-report sa kanilang tanggapan ang mga nagbebenta ng mga processed pork products online na posibleng galing sa mga lugar na apektado ng ASF.
