Sa ibong kan agyat kan nagpapadagos na pandemya, naging dagos dagos an implementasyon kan mga proyekto asin programa na nagpopromotir sa kapakanan asin direcho kan mga kaakian sa rehiyon.
Base sa 2021 statistical report, pigkakarkolong maabot salabi tres sientos kwarenta milyones de pesos an naipaluwas na pondo kan DSWD sa rehiyon tanganing simbagan an pangangaipo kan maabot sa 151,871 na mga kabataang Bicolano.
Segun ki Ana Marie B. Binamira-Telimban, regional children welfare coordinator, kinababalehan ini kan protection and rehabilitation activities para sa mga kakaian na inabandonar asin nakaeksperiensya nin pang aabuso.
Kabale man sa mga target na matabangan an mga kaakian na biktima nin arm conflict, youth in conflict with the law asin mga biktima nin online asin sexual exploitations.
Sa datus kan DSWD, pigkakarkolong nasa 8,000 na mga 4Ps children an nakabalik sa pag aadal ngunyan na taon mantang nasa labi 20.2 million pesos an nagamit kan ahensya para sa residential asin non residential care programs.
Nakapagpaluwas man nin labi 321 million pesos para sa year-round supplementary feeding program para sa maabot sa labi 150,000 na mga kaakian apwera pa an nailabas na pondo para sa serye nin mga comprehensie programs para sa mga street children asin oprhans.
Mantang siento otsenta y sais na mga menor de edad man an natawan nin permit para makapag adal abroad asin an pagtatao nin enhanced technical assistances sa mga social workers.
Mapapag araman na ipigcecelebrar ngunyan na bulan nin Nobyembre an National Children’s Month na may temang “New Normal na Walang Iwanan, Karapatan ng Bawat Bata Ating Tutukan!.”
