Ginkumbinse it Regional Office 6 (PRO-6) ro mga biktima it pag-abuso nga i-report ro andang mga naagyan sa andang taeatapan.
Ginkumbinse man nanda ro mga kabarangayan nga mas pabaskugon ro kampanya kuntra sa child abuse bisan nagnaba raya sa 23.15%.
Base sa datos it PRO-6 makarang dag-on, may kabieogan nga 571 cases ro narekord sa violation of Republic Act (RA) 7610 o special protection of children against child abuse, exploitation and discrimination.
Samtang, 286 cases man ro narekord sa violation of RA 8353 (Anti-Rape Law of 1997).
Ro pagnaba it numero hay may kaangut sa COVID-19 pandemic bangud sa mga restrictions nga ginapatuman kapareho it pagbawae sa pag-inom it alak.
Ro Women and Children Protection Desk hay nagapangampanya man para sa mga karapatan ag kamalayan it mga bata kuntra sa online sexual exploitation./JIL B. LACSON
