ILOILO – Patuhoy sa ‘kumpiyansa’ sa kaugalingon ro mensahe it kanta nga “Amakabogera” nga ginsueat it Ilongga nga si Loriebelle Aira Darunday.
Ginkanta ku aktres nga si Maymay Entrata ro nasambit nga kanta nga trending eon makarun sa nagkasari-sari nga social media platforms.
Ro mensahe ag hatud nga inspirasyon it nasambit nga kanta hay para sa mga tawong owa it pagsalig sa kaugalingon ag ro mga naapektuhan it ‘bashing’.
Sambilog sa mga gustong ipahatud nga mensahe it kanta hay kinhangean nga batunon it kada tawo ro andang ‘imperfections’, indi kinhangean nga sumabay sa bisan sin-o okun sa uso, dahil ikaw dapat ro mismong magiging trend para sa kaugalingon mo, basta sundon mo eang kung ano ro gusto mo.
Nasayuran nga si Darunday hay native it Lanag, Tigbauan, Iloilo ag third year student sa College of PESCAR sa West Visayas State University (WVSU). / ANN DESLENE SALAZAR
Photo credit: Loriebelle Aira Darunday
