Gitun-an karon sa Department of Interior and Local Government kung unsaon sa pagpatuman sa “No Vaccine, No Subsidy” policy para sa mga dili pa bakunadong benepisyaryo sa conditional cash transfer o Pantawid Pamilyang Pilipino Program (4Ps) sa gobyerno.
Sumala ni DILG Undersecretary Jonathan Malaya tinguha nila nga ipatuman ang polisiya tungod kay daghang mga benepisyaryo sa 4Ps ang mibalibad nga magpabakuna batok sa COVID-19.
Dugang pasabot niini nga nasumite na nila sa Department of Social Welfare and Development ang sugyot nga dili hatagan OG cash grants ang mga unvaccinated 4Ps beneficiaries.
Gitun-an na usab sa gobyerno ang mga isyung legal nga mahimong makaapekto sa implementasyon sa sugyot tungod kay ang conditional cash transfer institutionalized na. BNFM-Davao
