Patay ang usa ka Padre de pamilya human gidaro sa container van ang ilang balay samtang nangatulog pasado alas onse Sabado sa gabie sa Sitio Bugak Brgy. Suawan Marilog Davao City.
Ang biktima giila nga si Seto Tanbunan, 59-anyos nga wala makalingkawas human nadat-ugan sa dakong sakyanan.
Nasamdan usab ang tulo ka anak niini nga natrauma sa panghitabo ilabi na nga nabungkag usab ang ilang balay.
Sumala pa nga nawad-an og kontrol ang drayber sa container van nga temporaryo karong gikustudiya sa Marilog PNP.
Ang patayng lawas sa biktima giatiman na sa usa ka punirarya sa Calinan.
