Gipanglumpong sa presuhan ang 17 ka indibidwal atol sa gikasang drug buybust operation sa PDEA-XI ug NBI SEMRO, Mabini Municipal Police Station sa usa ka resort sa Brgy.Pindasan, Mabini Davao De Oro pasado alas 9 Sabado sa gabie.
Target sa operasyon si Revsan Ethelbert Papay Elizalde, 33 anyos, ulitawo nga taga Catalunan Pequeño, Davao City, samtang ang mga kauban niini lakip gipangdakop nga sila Eana Faye Marie Olea, Bryk Jiordan Archival, Kurk Bryan Tiubot, Paolo Guerero.
Lain pang 12 nga naatlang nag pot session anm giaresto nga sila Jomark Aping, Ariel Bueno, Edel Caballero, Ronald Chuan, Fritz Dinopol, Tom Jhun Doblas, Mark Christopher Isip, Janlord Masong, Christopher Prudente, Jesus Ragas III, Giovanni Tabanao ug Jason Viduya.
Nakumpiska ang anaa sa 26 ka putos sa pinaugang dahon sa Marijuana nga nagtimbang ug 200 grams mobalor; tulo ka pakete sa shabu motimbang og 10 gramos mokantidad og P150,000; ug mokabat sa 722 ka mga party drugs nga nagkantidad ug P1,227,400 ug lakip ang liquid drugs, vials ug energy drinks.
Kasong paglapas sa RA 9165 Ang atubangon sa mga dinakpan nga gipaslak karon sa NBI detention facility. BNFM-DAVAO
