Confine sa hospital ru driver it tricycle nga naka bangga sa kapareho tricycle sa bag-ong Circumferential road sa Brgy. Pook, Kalibo, Aklan.
Sa imbistigasyon it Kalibo MPS, aksidenting naka bangga ru RUSI tricycle nga may plate number 1809-FU nga gina maneho ni Wendel Barrera, 45 anyos.
Sakay sa tricycle ru 2 pasahero nga sanday Anicito Isleta, 41 anyos ag Roel Mengote, 19 anyos, tanan mga residente it Brgy. Lilo-an, Malinao, Aklan.
Naga pa uli eon konta sa Malinao ru mga biktima halin sa Brgy. Guinbaliwan, New Washington kat aksidenting mabanggan it tricycle ru kasubeang nga HONDA tricycle nga may plate number FC-27577 ag gina maneho man ni Jurry Tejada, 40 anyos, residente it Brgy. Sta. Cruz Biga-a, Lezo, Aklan.
Sakay man sa nabangaan nga tricycle sanday Anthony Tejada, 43 anyos, Anjo Retuba 33 anyos ag Mary Joy Tejada, 33 anyos ag 2 menor de edad, tanan mga residente it Brgy. Mabilo, New Washington.
Nasayuran nga umagaw it linya ru tricycle nga gina maneho ni Barrera rason nga nabanggaan ru tricyclre nga ginamaneho ni Tejada.
Tanan, naka angkon it minor injuries ru mga biktima apang out patient man sa hospital.
Sa makaron, confine sa hospital ru driver it naka banggang tricycle nga si Barrera matapos maka angkon it lastro sa dahi.//MARIVIC Y. ILIN
