Nagbabala ang Bureau of Fisheries and Acquatic Resources Region 3 laban sa pagkuha ng shellfish tulad ng tahong, talaba, tulya at alamang sa karagatang sakop ng Bataan.
Ito ay matapos na magpositibo sa red tide ang probinsiya base na rin sa pagsusuri ng BFAR.
Pinapayuhan ang publiko na huwag munang kumuha o manghuli ng mga nabanggit na lamang-dagat.
Samantala, ang mga isda, pusit, hipon at alimango ay ligtas naman umanong kainin basta lilinisin lamang ng mabuti at tatanggalan ng lamang-loob o ng aligue bago ito iluto.//Jen Bayot-BNFM OLONGAPO
