Tatanggap ang VaxCertPH ng mga requests ng digital vaccine certificates para sa domestic use.
Ang VaxCertPH, ay ang vaccine certificate system ng bansa sa ilalim ng Department of Information and Communication Technology (DICT) at Department of Health (DOH).
Ito’y matapos aprubahan ng Inter-Agency Task Force for the Management of Emerging Infectious Diseases (IATF) ang Resolution No. 146 na nagpapahintulot para sa request ng vaccine certificate para sa domestic use.
Ayon sa Palasyo, lahat ng LGUs na walang electronic vaccine administration systems ay nire-require na gamitin ang DICT vaccine administration system para sa recording at databasing ng lahat ng vaccine information.
Sinabi naman ni DICT Undersecretary Emmanuel Rey Caintic, na ang digital vaccine certificates ay tumalima sa digital guidelines na inilabas ng World Health Organization (WHO).
