Paga kasuhan it pag-eabag sa Presidential Decree 1865 o Illegal Transport of Petroleum Products ru sangka 36 anyos nga babaye.
Raya hay matapos madakpan nga illegal nga naga transport it petroleum products halin sa Kalibo paadto sa New Washington, Aklan.
Nakilaea ru babaye nga si Myra Jhane Mapindan ag residente it Brgy. Mabilo New Washington, Aklan.
Nakumpiska it mga otoridad sa babaye ru 1 unit tricycle, 20 bilog nga plastic container nga may sueod nga 10 liters nga krudo sa kada container.
Nadakpan it Intel Operative it Criminal Investigation Detection Group (CIDG)-Aklan ru babaye rason nga sa pag hinakop eon sa makaron it mga kapulisan ru nadakpan.//MARIVIC Y. ILIN
