GIKALIPAY sa labaw sa City Housing Office ang kausaban sa Executive Order 47 nga gipagawas buntag sa adlaw nga Miyerkules Oktubre 27 sa kasamtangan nga tuig.
Sa paghinabi sa 89.5 Brigada News FM Gensan kay Mary Ann Tan,sumala niini nga nalipay siya nga gi-amindahan ang Executive Order sa Mayor kay nakahunat na sila sa ilang pagpalapnag sa impormasyon kalabot sa regulasyon sa mga sementeryo atol sa Undas 2021.
Gipaklaro ni Tan nga sa sinugdan pa ang ilang gibasihan mao ang Resolution Number 72 sa Inter Agency Task force kon IATF ug ang anaunsyo sa Department of Interior and Local Government Unit kon DILG nga Oktubre 29 hangtud Nobyembre 2 ang closure sa mga sementeryo atol sa Undas 2021.
Gidugang ni Tan nga ang rason nga iyang nagungog aduna lang clerical error sa petsa sa Executive Order 47 nga nalagdaan usab sa Mayor samtang ang nauna nila nga na-istoryahan nga petsa mao ang Oktubre 29 hangtud Nobyembre 2.
Gidugang ni Tan nga na-obserbahan daw niini nga gabei sa adlaw nga Miyerkules nidagsa ang mga tawo sa Forest Lake ug gipahinumdom niini sa katawhan nga i-observe gayod ang health protocol.
Sumala sa usa ka vendor og bulak sa Uhaw Cemetery nalibog usab sila kon unsa gayod ang saktong petsa kay naga-agad sila sa kamandoan sa LGU sa ilang pagpangumpra og bulak, maayo nalang daw kay nausab og nabalik sa orihinal na petsa.
Tungod niini ilaha na ma tantya ang petsa sa pagpangmpra ug pag tinda sa bulak gawas sa sementeryo aron dili usab sila malugi. ( Ver Diazon)
