MISAKA sa 119, 808 o 26 % sa 459, 732 nga target population protection sa Gensan ang nakadawat sa duha ka dose sa bakuna batok COVID-19. Basi sa gipagawas nga datus sa Vaccine statistics sa syudad 60 porsyento ang kinatibuk-ang vials sa bakuna sama sa Sinovac, Pfizer, Moderna, ug Janseen ang nagamit na sa dakbayan o anaa sa 276, 574 dose gikan sa priority A1 frontline worker hantod sa priority A5 o kadtong apil sa Indigent population.
Una nang gibutyag ni CHO Chief ug Local Inter-Agency Task Force for COVID-19 Dr. Rochelle Oco nga layo pa kini sa ihap sa 75% nga target herd immunity. Ang mga senior citizen nga apil sa priority group A2 anaa pa lang sa 15, 325 ang fully vaccinated. Samtang padayon nga gina-awhag ni Dr. Oco kadtong mga nagdumili sa pagpabakuna, nga dili magduha-duha tungod miagi sa hingpit nga pagsusi ang tanang vaccine nga ginaturok alang sa mga tawo.
Sa kasamtangan padayon ang pagdawat sa syudad sa mga miabot nga vials sa lain-laing bakuna aron mapalapdan pa ang vaccination roll-out ug paspas nga maabot ang target herd immunity. ( Enamie Mogpon)
