GILAUMAN ni Restituto Jong Facurib terminal administrator sa Gensan, ang pagdagsa sa mga pasahero sugod bulan sa Oktubre hantod Disyembre. Kini dungan sa pag-obserba sa kalag-kalag ug sa umaabot nga Pasko.
Sumala ni Facurib, andam ang mga terminal nga mo-ukopar sa tanang pasahero nga muabot. Luyo niini, gimandoan sa opisyal ang mga pasahero nga musunod gihapon sa mga gipatuman nga minimum health protocol, dili matud pa makasakay ang mga wala makasoot og facemask, faceshield, lakip ang walay QR code nga ma-ipresenta. Alayon kini aron masubay ang lugar kung diin nagikan ang mga lain-laing pasahero nga miabot sa lugar.
Mandatory usab ang paghugas og kamot bag-o musakay, ug kinahanglan ang valid ID alang sa mga pasahero nga dili taga-Gensan. Gibutyag ni Facurib nga ubos ang ihap nga 3800 pasahero matag adlaw ang anaa karon sa ilang listahan , tandi sa milabayng tuig nga wala pay pandemya .
(Enamie Mogpon)
