WALA giuyonan sa tanang konsehal sa GenSan ang giduso nga resolusyon ni Kagawad Jose Edmar Yumang sa paghatag og pagtugot sa mayor nga bayran ang usa ka consultancy sa serbisyo nga ilaha nang nahuman sa paghimo.
Kini ang gikabutyag ni Kagawad Franklin Gacal Jr. human nga gipaklaro sa mga kaubanan ang mahimong sangputan kung ilaha kining aprobahan, basin sila unya ang pabayron kung masuta sa COA nga bawal kini subay sa procurement law.
Dugang pa sa konsehal nga dili man pribadong kompanya ang gobyerno ug ang paggamit sa pondo kinahanglang masubay sa hustong balaod ug kung unsa ang nakasulod sa kontrata.
Sila matud pa sa konseho may mutuki sa pagtagana sa pondo, sunod ang budget execution ug dili nga mopatrabaho og proyekto unya ulahi na ang bayad.
Sa subling pagduso sa maong resolusyon, gipaniguro ni Gacal nga iyaha gihapong babagan. Gani nalipay matud pa kini tungod gipaminawan sa mga kaubang konsehal ang iyang nahimong pagsupak.
File Photo SP Gensan
