Kapin sa 13 katawo ro nagpa rekord sa Kalibo PNP matapos segun nga maloko it sangka nagpakilaea nga fixer it Land Transportation Office (LTO).
Base sa report, ro ginaturo nga suspek hay si Melissa Fel nga taga San Mateo Rizal ag nagatanyag segun raya nga imaw lang ro ma-proseso it driver’s license sa nasambit nga mga biktima kabaylo it P6,500 hasta sa P8,000.
Nasayuran nga kapin sa P76,800 ro hapadaea eon nga kwarta sa nasambit nga suspek bilang kabayaran sa pag proseso it nasambit nga lisensya.
Sa makarun hay padayun nga naimbestigahan it Kalibo PNP ro insidente. / ANN DESLENE SALAZAR
