SORSOGON CITY – Kabuuang 500 na karagdagang unit ng puntod ang inaasahan na matatapos ngayong taon sa isinasagawang extension ng Interfaith Cemetary sa bayan ng Casiguran, Sorsogon.
Ayon kay Casiguran LGU Tourism Office Angel Ayala, patuloy pa sa ngayon ang kontruksyon sa nasabing proyekto at halos 90 porsiyente na itong tapos.
Naibahagi naman ng opisyal na kabilang ang naturang proyekto sa pangunahing prioridad na maisasakatuparan ngayon ng lokal na pamahalaan bilang pagbibigay ng mas maayos na libingan ng mga yumao sa buhay ng Casiguranon.
