Pormal nang inanunsiyo ni Vice President Leni Robredo ang kanyang pagtakbo sa pagka-Pangulo sa 2022 Election.
Ginawa ng pangalawang pangulo ang kanyang official announcement sa harap ng kanyang mga supporters sa kanyang opisina sa Quezon City Reception House.
Sa kanyang talumpati sinabi ng bise-presidente na buo ang kanyang loob at tinatanggap niya ang hamon para tumakbo sa pinakamataas na posisyon.
Muling makakaharap ni Robredo ang kanyang mahigpit na katunggali sa vice-presidential race noong 2016 na si dating senador Bongbong Marcos na una nang naghain ng COC kahapon.
Maliban kay Marcos makakatapat din ng bise-presidente sina Manila Mayor Isko Moreno, Senator Panfilo Lacson, at Senator Manny Pacquiao.
