Handa umano ang Department of Health na gumawa ng paraan para makakuha ng experimental antiviral pill na Molnupiravir sakaling mapatunayang mabisa ito panlaban kontra COVID-19.
Ayon kay Health Undersecretary Maria Rosario Vergeire kapag may ganitong investigational drug ay agad naman umanong nakikipag-ugnayan ang DOH para sa posibleng pag-access nito.
Sa inisyal na datus ng drug manufacturer na Merck and Co. sinasabing nababawasan umano Molnupiravir ang tiyansa ng pagkamatay ng mga taong natatamaan ng severe COVID-19.
Itinuturing naman ng ilang eksperto bilang ‘potential breaktrough’ ang naturang gamot sa pagpapagaling ng corona virus patients.
Nabatid na ilang mga bansa sa Asya ang nakikipag uganayan na sa Merck and Co. para sa posibleng pagbili ng molnupiravir kabilang na ang Thailand, South Korea, Taiwan, at Malaysia.
