Inihayag ng OCTA Research group na nasa moderate risk na lang ang banta ng COVID-19 sa National Capital Region.
Ito ay matapos maitala ng grupo ang 22.34 daily attack rate ng naturang sakit.
Ayon sa Octa bumaba sa 28% o katumbas ng 3,120 7-day average ng bagong kaso ng COVID-19 ang naitala sa NCR.
Nasa 0.81 nalang din umano ang reproduction number sa Metro Manila mas mababa mula sa 0.84 na naitala noong nakaraang araw.
Sinabi ni OCTA fellow Dr. Guido David na nasa 16% din ang ibinaba ng COVID-19 positivity rate sa nabanggit na rehiyon.
