Gikomperma sa Philippine Drug Enforcement Unit Agency (PDEA) Caraga nga mayorya pa sa mga barangay sa dakbayan sa Butuan ang di pa drug cleared.
Sumala ni Dindo Abellanosa, ang Regional Public Information Officer sa (PDEA) Caraga, 39 pa lang ka mga barangay sa siyudad ang drug cleared samtang ang nabiling 47 ka mga barangay ang padayon pang gipaningkamotan nga malingkawas sa druga.
Nakig-alayon na usab ang ahensya sa kagamhanang lokal alang sa maong paningkamot dungan sa pag-awhag sa mga kapitan nga motambayayong sa maong kampanya.
