Ginsuspinde it PNP Iloilo ro permits to carry firearms outside residence (PTCFOR) halin kahapon hasta Oktubre 8.
Base sa pahayag ni Police Lieutenant Colonel Arnel Solis, regional police spokesperson, ro mga uniformed personnel it Philippine National Police (PNP), Armed Forces of the Philippines (AFP) ag iban pa nga mg puwersa it gobyerno ro ginapasugtan nga magdaea it baril.
Tuyo it gun ban nga mamentina ro kahilwayan sa pagfile it certificates of candidacy (COCs) para sa election nga pagahiwaton sa masunod nga Mayo 2022.
Ro mga gun holders ag government forces nga naka-sibilyan hay paga-arestuhon kung madakpan nga may daea nga baril./JIL B. LACSON
