GISUSPENSO sa kapulisan ang permit to carry firearms outside residence (PTCFOR) isip kabahin sa pagpasiguro sa seguridad alang sa walo kaadlaw nga filing sa certificate of candidacy (COCs). Matud ni Police Brig. Gen. Michael John Dubria, Regional director sa Police Regional Office (PRO)12 ang suspension sa PTCFOR ang nagsugod gikan Setyembre 30 alas-7 sa buntag hangtud Oktubre 09.
Tumong sumala pa niini, ang masiguro nga walay firearms-related incidents ug masiguro ang seguridad sa katawhan. Giklaro ni Dubria nga bugtong sakop sa PNP, kasundalohan ug uban naa sa law enforcement agencies nga naghimo sa ilang trabaho ang gitugotang magbitbit og armas gawas sa ilang panimalay.
Ang lakang ang base sa PNP memorandum circular nga nagtakdang sa Guidelines and Procedures aron masiguro ang seguridad sa 2022 National and Local Elections dungan sa hangyo sa Comelec.
Bag-o paman ang filing sa COC sunod-sunod nga operasyon ang gilusad sa kapulisan sa rehiyon batok sa loose firearms ug miyembro sa gitawag nga partisan armed groups nga dunay kapasidad nga mosabwag og kagubot tungod sa out init nga intense political rivalry. ( Richel Gubalani)
