GIKATAKDANG mobisita sa GenSan si Labor Sec. Silvestre Bello III, karong September 24 subay sa pagbutyag ni Conrado Artates, chief labor and employment officer sa DOLE-GenSan.
Segun ni Artates nga himamaton ni Bello ang pipila ka beneficiary sa programa sa Department of Labor and Employment kun DOLE.
Giangkon niini nga apektado kaayo ang mga trabahante sa pandemya mao nga gapaningkamot usab ang DOLE sa pagpangita og pamaagi aron maka-extend bisan gamayng tabang.
Giangkon niini nga nagpadayun gihapon ang mga programa sa DOLE sama sa Tulong Panghanapbuhay sa Ating Disadvantaged/Displaced Workers o TUPAD ug uban pa.
Sa karon giangkon ni Artates nga may impormasyon nga nadawat nga may processing plant nga nagpahibalo kaniya nga manirado tungod sa bankruptcy.
