KALIBO, AKLAN—Nagnaba eon do numero it mga bangkay nga ginapadaea sa crematorium sa Iloilo agud nga i-cremate kung ikumpara ku nagtaliwan nga daywang buean.
Sa datos IT PHO Aklan, humalin it September 1-7, 2021 hay siyam eang nga bangkay do ginpadaea sa siyudad it Iloilo kung ikumpara ku nagtaliwan nga buean it Hulyo nga 75 ag ku Agosto nga nag-abot sa 115.
Dugang pa kara, 60% sa mga namatay hatod it COVID-19 complications hay halin sa mga banwa it Kalibo, Banga, New Washington ag Ibajay.
Nasayuran nga do cremation fee hay ginabana-bana nga nagaabot sa Php 74,000, Php 15,000 para sa removal ag transfer it abo it funeral home ag do pamilya it namatay hay may pagabayaran pa nga Php 35,000 nga storage ukon refrigeration fee para sa pagtinir it bangkay it sang domingo sa crematorium sa Iloilo City. // SHERRY ANNE REUNIR-VIDAL
