Nakapagtala ang bansa ng 22,415 bagong COVID-19 infections ngayong araw, dahilan para pumalo na ang total case count sa 2,103,331.
Ayon sa Department of Health (DOH), ito ang pinakamataas na infections na naiulat, mas mataas sa naitala noong Agosto 30 na 22,366 cases.
Dahil sa bagong infections, umakyat na sa 159,633 ang active cases sa bansa, pinakamataas simula Abril 13 kung saan 165,534 ang naitala.
Umabot naman na sa 1,909,361 ang total recoveries, matapos na gumaling ang 20,109 pang pasyente.
Samantala, nasa 34,337 na ang kabuuang bilang ng nasawi sa nasabing virus matapos makapagtala ang bansa ng 103 bagong fatalities.
