NAKA-RECOVER na ang duha ka kaso sa Delta variant sa COVID-19 sa probinsya sa Sarangani.
Kini ang gibutyag ni Doctor Arvin Alejandro, ang provincial health officer sa probinsya sa Sarangani. Gikumpirma usab kini sa Department of Health Region 12 human nag-negatibo na ang repeat RT-PCR swab test result sa duha pagsiguro nga wala na silay dalang virus sa lawas.
Segun ni Dr. Alejandro, bag-uhay lang niabot ang resulta gikan sa Philippine Genome Center lagpas duha ka semana human gipadala ang sample didto kanila sa kauluhang Maynila.
Bag-uhay lang nigawas ang resulta timing sa pagka-full recovery na usab sa duha. Ang Philippine Genome Center sa UP kon University of the Philippines ang gitahasan sa gobyerno nga maka-deklara kung unsang variant sa Coronavirus ang nakaigo sa pasyente.
Una nang gibutyag ni Gov. Steve Chiongbian Solon nga ma-orihinal man nga strain sa Coronavirus o mga variant niini, angay matud pa ikonsidera ang tanan nga “highly infectious” o labing makatakod aron padayong managana ang katawhan sa pagtuman sa mga personal safety protocol. Sayo magpabalo sa mga gibati aron sayo matambalan ang mga sintomas. Gani, daghan man ang naka-recover.
File photo courtesy of the Provincial Government
