GIKUMPIRMA ni Engr. Emerald Signar, labaw sa City Engineers Office nga adunay mga proyekto nga na-revert ang pondo tungod kinahanglanon sa COVID-19 response.
Ang maong mga proyekto segun pa niini nagkantidad sa halos P400 million asa apil niini ang sa drainage system ug uban pang proyekto.
Apan gitino ni Signar nga girekomenda niini alang sa reversion ang maong mga proyekto sa mga rason nga dili kini implementable ning tuiga ug may pipila ka isyu susama na lamang sa wala pay land donation.
Lakip usab sa maong proyekto ang wala pa na-submit sa Bids and Award Committee alang sa bidding ug proyekto nga anaa pa lang sa program of works.
Hinuon gitino ni Signar nga ang pagpangandam alang sa maong mga na-revert ang pondo nga infra projects ang padayun nilang ginaproseso aron mapatuman gihapon.
