GISIGURO sa representante sa Department of Health (DOH) 12 sa GenSan ang paghisgotan sa City- Inter Agency Task Force on Covid-19 ang gikaingong insidente sa pagpasa-pasa sa pasyente nga namatay sa Covid-19 nakalabay’ng adlaw.
Matud ni Dr. Sharir Dulduco, DOH provincial officer sa Sarangani ug GenSan angay ma-refresh ang barangay hangtud City Health personnel.
Kalabut sa nagkadaiyang sitwasyon sa mga pasyente nga buot mopa-admit sa mga ospital apan bag- o nakasulod nagpositibo na sa virus.
Giangkon ni Duldoco dili tanang naa sa barangay health personnels ang nakabansay kalabut sa proper ‘protocols’ sa Covid-19 patient. Giklaro usab sa opisyal ugaling dunay pormal nga reklamong maabot sa ilang buhatan kalabut sa alegasyon sa ‘mishandling’ sa Covid-19 patient kini ang ilang gilayon nga imbestigasyon. (Richel Gubalani)
