KALIBO, AKLAN—Samtang ginaistudyuhan it LGU Kalibo nga makasueod sa sangka Public Private Partnership (PPP) agud nga makapatindog it crematorium, padayon kara nga ginapatigayon do ground burial sa mga namatay nga Kalibonhon matapos nga iguan it COVID-19.
Suno kay Kalibo Mayor Emerson Lachica, do ginaobra makarun nga ground burial hay do mga bakanteng lugar sa Kalibo Municipal Cemetery.
Dugang pa it alkalde nga nagpangayo imaw it otoridad sa Sangguniang Bayan Kalibo agud nga makabakae it lote nga obrahon ng burial ground bangud nga owa eon it haeos bakante sa presente nga sementeryo.
Samtang, nauna eon nga may nagpaabot nga pilang pribadong indibidwal nga interesadong magbulig sa Kalibo pinaagi sa PPP. // SHERRY ANNE REUNIR-VIDAL
