Patay ang usa ka driver human gipusil sa wala mailhing suspetsado sulod sa ilang balay sa Zone 8, Purok Vicente, Barangay Labangal, Gensan Agosto 12 sa gabii.
Giila sa kapulisan ang biktima nga si Allan Gallas, 45-anyos, residente sa nasangpit nga lugar.
Sa interview sa Brigada sa asawa niini nga si Luz, bag-o nahitabo ang pagpamusil, naay lalaki nga magpaload unta sa ilang tindahan, apan iyang gibalibaran tungod wala silay load.
Natingala na lang kini nga mituyok ang mga lalaki sa likod nga bahin sa ilang panimalay ug tungod niini iyang gipukaw ang iyang bana ug gisultihan nga dunay tawo sa likod sa ilang balay.
Gilili kini sa iyang bana ug pila lang ka minuto, nakadungog na og buto sa pusil si Luz ug didto nakita nga nagbuy-od na ang iyang bana nga nagkadugo.
Nakita niini ang mga suspetsado nga nakasul-ob og puti nga t-shirt samtang ang usa naka-jacket og kolor itom.
Nasayran nga nakabsan gyud sa iyang kinabuhi ang biktima human nga nakaangkon ug samad sa iyang dughan ug tangkugo nga bahin.
Padayon pa ang gihimong imbestigasyon sa kaulisan Makar Police sa hinungdan sa pagpamusil.
Hustisya usab ang singgitl sa asawa sa nahitabo sa iyang bana.
Photo: Sikad nga ginapasaheruan sa biktima ug ang bahin sa ilang balay kung asa kini banda gipusil
